ബെംഗളൂരു: രാജാജിനഗർ നാഷണൽ പബ്ലിക് സ്കൂളിൽ ബോംബ് ഭീഷണി സന്ദേശത്തിന് പിറകിൽ മറ്റൊരു സ്കൂളിലെ വിദ്യാർത്ഥിയെന്ന് പോലീസ്.
കഴിഞ്ഞ ദിവസം ഭീഷണി മെയിൽ ലഭിച്ചതിനെ തുടർന്ന് സ്കൂളിലെ കുട്ടികളെ സുരക്ഷിത സ്ഥാനത്തേക്ക് മാറ്റിയിരുന്നു. ആയിരത്തോളം കുട്ടികൾ പഠിക്കുന്ന സ്കൂളിലെ ബോംബ് ഭീഷണി നഗരത്തിൽ ആശങ്ക പടർത്താനും കാരണമായി.
എന്നാൽ ഉച്ചഭക്ഷണ സമയത്ത് തമാശയ്ക്കാണ് സ്കൂളിൽ ബോംബ് സ്ഫോടനം നടത്തുമെന്ന ഇ മെയിൽ ആഴച്ചതെന്ന് വിദ്യാർത്ഥി പൊലീസിന്
മൊഴി നൽകി. തുടർന്ന് കസ്റ്റഡിയിലെടുത്ത കുട്ടിയെ പോലീസ് ജുവനൈൽ ബോർഡിന് കൈമാറി.
